2000.
जोडोनिया कर । उभा राहिलो समोर ॥१॥
हे चि माझे भांडवल । जाणे कारण विठ्ठल ॥धृपद॥
भाकितो करुणा । आता नुपेक्षावे दीना ॥२॥
तुका म्हणे डोई । ठेवी वेळोवेळा पायी ॥३॥
अर्थ :
मी देवासमोर हात जोडून उभा राहिलो आहे. हेच माझे भांडवल आहे मला काही द्यायचे किंवा नाही द्यायचे हे सर्व विठ्ठल जानतो आहे. मग विठ्ठलाला वाटेल की हा दीन आहे दुर्बळ आहे हा मला करूणा भाकित आहे, त्याची उपेक्षा करून चालणार नाही. तुकाराम महाराज म्हणतात मी माझी डोई वेळोवेळी या देवाच्या पायावर ठेवत आहे.