1578.
आम्ही असो निंश्चिंतीने । एक्या गुणे तुमचिया ॥१॥
दुराचारी तरले नामे । घेता प्रेम म्हणोनि ॥धृपद॥
नाही तुम्हा धाव घेता । कृपावंता आळस ॥२॥
तुका म्हणे विसरू काही । तुज वो आई विठ्ठले ॥३॥

अर्थ :
देवा तुमच्या केवळ एका गुणामुळेच आम्ही निश्चिंतीने राहातो. तो सद्गुण म्हणजे तुमचे नाम आहे तुमचे नाम घेतल्याने अनेक महापापी दुराचारी तरले आहेत म्हणूनच आम्ही तुमचे नाम प्रेमाने घेत आहोत. हे कृपावंता तुमचे नांव घेतले की तुम्ही कोणत्याही प्रकारचा आळस न करता आमच्याकडे धावत येतात. तुकाराम महाराज म्हणतात, “हे माझे आई विठ्ठले तुला मी कसा बरे विसरेन ? ”