688.
निर्गुणाचा पालऊ लागला ।
लय लक्षी हरपला देह माझा ॥१॥
वांयावीण गेले वांयावीण गेले ।
अवघी बुडाले ब्रह्मेसहित ॥२॥
रखुमादेविवरू विठ्ठलु मालाथिला ।
निजपद पावला जीऊ शीवा ॥३॥

अर्थ :
माझ्या चित्ताला निर्गुणाचा धागा लागल्यामुळे त्या निर्गुण परमात्म्याच्या ठिकाणी चित्ताचा लय झाला. त्यामुळे माझा देहभाव हरपला. एवढेच काय पण ब्रह्मदेवासहवर्तमान सर्व जग बुडाले. रखुमादेवीचे पती जे श्रीविठ्ठल त्यानी माझा अंगीकार केल्यामुळे माझा जीव परमात्मस्वरूपाला प्राप्त झाला असे माऊली सांगतात.