1946.
आता बरे झाले । माझे मज कळो आले ॥१॥
खोटा ऐसा संसार । मजि पायी द्यावा थार ॥ध्रु॥
उघडल्या डोळे । भोग देता कळी काळे ॥२॥
तुका म्हणे जीवा । होता तडामोडी देवा ॥३॥

अर्थ :
देवा आता माझे मला चांगले समजले आहे हे फार बरे झाले. माझी चुक अशी मला समजली की हा संसार खोटा आहे त्यामुळे आता मला तुमच्या पायाच्या जागी थारा द्यावा. मी विचार केला आणि मला असे समजले की आपल्याला सुख दुःख प्राप्त होते ते केवळ आपल्या संचित कर्मामुळेच. तुकाराम महाराज म्हणतात हे देवा जेव्हा या जिवाची फजिती झाली तेव्हाच मला हे समजले.