3694.
बाळसंतोष ३६९४ ते ३७०१

अलक्ष लक्ष पहावेना । ते कोणाचेध्यानीं बैसेना । योगी ध्याती जया ध्याना । ते आणीपा रे आपुल्या मना ॥१॥ बाबा बाळसंतोष । बाळसंतोष ॥धृ.॥ अनुहात शब्द निराळा । सोहसोहं त्याची कळा । ते नये ध्यान मना सकळा । ऐशी अगम्य त्याची कळा ॥२॥ जुनी टाका देहाचीअंगीं । भाव धरा भक्तिसंगी । विरेल देहपण अंगाचेअंगीं । मिथ्या प्रपंच जाईल भंगी ॥३॥ एकाजनार्दनीं मागे दान । पूर्ण परिपूर्ण कळली खूण । सबाह्य कोंदला जनार्दन । देहींच विदेही जाहलापूर्ण ॥४॥