1106.
समाधी परिपूर्ण बैसले ज्ञानेश्वर | उठविले भार वैष्णवांचे ॥१॥
आळंकापुरी सव्य घेतली ते संती | दिली भागीरथी ज्ञानालागी ॥२॥
भैरवापासुनि उगम निरंतर | रानोमाळ झरे तीर्थ गंगा ॥३॥
सैघ इंद्रायणी वाहाती मिळोनी | अखंड क्षणी वोघ जाती ॥४॥
चालिले विमान गंधर्व सुरगण | यात्रा परिपूर्ण जाली म्हणती ॥५॥
तीर्थ महोत्साह जाला सारासार | देव ऋषीश्वर परतले ॥६॥
वैष्णवांचे भार निघाले बाहेर | केला जयजयकार सर्वत्रांनी ॥७॥
पंढरीचा पोहा निघाला बाहेर | गरुडावरी स्वार देव जाले ॥८॥
नामा म्हणे ऐसा सुखी ज्ञानेश्वर | जाला असे स्थिर ब्रह्मबोधे ॥९॥