636.
धन्य ते संसारी । दयावंत जे अंतरी ॥१॥
येथे उपकारासाठी । आले घर ज्या वैकुंठी ॥धृपद॥
लटिके वचन । नाही देही उदासीन ॥२॥
मधुरा वाणी होटी । तुका म्हणे वाव पोटी ॥३॥

अर्थ :
ज्यांच्या अंगी दया आहे ते या जगात धन्य आहे. कारण ते येथे फक्त उपकारासाठी आलेले आहेत, त्यांचे घर हे वैकुंठा मध्ये आहे. ते कधी लटिके (खोटे) बोलत नाही, ते देहासंबंधी उदास असतात. तुकाराम महाराज म्हणतात त्यांच्या ओठात कायम मधुर वाणी असून, त्याच्या पोटी लोकांचे गुणदोष सहन करण्या इतकी भरपूर जागा आहे.