1072.
अंतर बाहेर कळले स्वरूप | स्वये नंदादीप उजळिला ॥१॥
येणे जाणे कोठे योगी पहा अवीट | सान वैकुंठ करुनि ठेवी ॥२॥
ज्ञानियाला मरण म्हणती अज्ञान | वाया तुम्ही शीण करू नका ॥३॥
घटाचिया योगे प्रतिबिंब भासे | काय म्हणे नासे निरालंब ॥४॥
दर्पणाचे योगे दुसरे देखणे | काय मुखे दोन त्यांसी जाली ॥५॥
दृश्याचियामुळे जीव दिसे येथे | काय पा परमार्थ विटंबले ॥६॥
तंतूचियामुळे पटाला विस्तार | काय निराकार वाया गेले ॥७॥
रुक्मादेवीवरे केले समाधान | नामा म्हणे मौन धरुनि ठेले ॥८॥