731.
पडे आता दिवसराती ।
विसर तुमचा श्रीपती ।
झाली इंद्रिया विश्रांति ।
रंगली नामचिंतने ॥१॥
वदनी सुंदर तुमचे नाम ।
डोळिया रुप मेघश्याम ।
श्रावणी ऐकता उत्तम ।
गुण तुमचे गोविंदा ॥२॥
हाते वाजविता टाळी ।
चरणे नृत्य कथाकाळी ।
गोजिरे ध्यान हदयकमळी ।
तेचि ठसावोनि राहिले ॥३॥
मस्तक म्हणे चरणांवरी ।
माझा ठाव निरंतरी ।
जिव्हा रंगली नामोच्चारी ।
न राहे क्षणभरी आठविता ॥४॥
निळा म्हणे माझा हेत ।
होउनी ठेला मुद्रांकित ।
सदा सर्वदा गावे गीत ।
हेचि चिंतूनि राहिला ॥५॥