629.
हेचि माझे धन । तुमचे वंदावे चरण ॥१॥
येणे भाग्ये असो जीत । एवढे समर्पूनी चित्त ॥धृपद॥
सांभाळिले देवा । मज अनाथा जी जीवा ॥२॥
जोडूनिया कर । तुका विनवितो किंकर ॥३॥

अर्थ :
देवा तुमचे चरण वंदन करणे हेच माझे धन आहे. आमचे चित्त तुम्हाला अर्पण करून आम्ही जीवन व्यतीत करू. देवा माझ्या सारखा अनाथ जिवाचा तुम्ही सांभाळ केला. तुकाराम महाराज म्हणतात तुम्हाला हात जोडून विनंती करतो की, तुम्ही माझ्या जवळ राहा मी तुमचा दिन दास आहे.