2310.
क्षीर मागे तया रायते वाढी । पाधानी गधडी ऐशा नावे ॥१॥
समयो जाणा समयो जाणा । भलते नाणा भलतेथे ॥धृपद॥
अमंगळ वाणी वदवी मंगळी । अशुभ वोंगळी शोभन ते ॥२॥
तुका म्हणे नेणे समयो ठाया ठाव । राहाडी ते वाव नरकाडी ॥३॥

अर्थ :
जेवन चालू असताना एखाद्याने खीर मागितली की त्याला जी स्री तिखट रायते वाढते तीला गधडी असे म्हणावे. त्यामुळेच समय वेळ काळ व्यवस्थित जाणून घ्यावे भलत्या ठिकाणी भलतेच काहीतरी आणू नये. जो अमंगळ वाणी उचित कार्य चालू असताना बोलतो त्याचे ते बोलणे त्या चांगल्या कार्‍यात योग्य नाही. तुकाराम महाराज म्हणतात ज्याला अनुचित बोलतांना वेळ, काळ, ठिकाण समजत नाही, बोलण्याचे ज्याला ज्ञान नाही त्याचे प्रत्येक वागणे बोलणे हे गुखडी प्रमाणे घाणी प्रमाणेच वाईट असते.