1978.
दुष्ट भूषण सज्जनाचे । अलभ्यलाभ पुण्य त्याचे ॥१॥
धन्य ऐसा परउपकारी । जाय नरका आणिकावारि ॥धृपद॥
मळ खाये संवदणी । करी आणिकाची उजळणी ॥२॥
तुका म्हणे त्याचा । प्रीती आदर करा साचा ॥३॥

अर्थ :
दृष्ट लोक हे सज्जनांचे भूषण आहेत कारण ते सज्जनांची निंदा करतात त्यामुळे सज्जनांचे पाप त्यांच्याकडे जाते आणि त्यांचे पुण्य सज्जनांना लाभते असा अलभ्य लाभ सज्जनांला होतो. असा दुष्ट मनुष्य धन्य आहे तो सज्जना वर नेहमी परोपकार करतो कारण तो सज्जनाची निंदा करतो आणि स्वतः मात्र नरकाला जातो परंतु सज्जनाचे सर्व पापक्षालन करून त्याला नरकाला जाण्यापासून वाचवितो. परेटाच्या घरची सौंदनी दुसऱ्याच्या कपड्याचे मळ खाते परंतु कपडे मात्र स्वच्छ करते. तुकाराम महाराज म्हणतात अहो सज्जना हो तुम्ही दुष्ट लोकाचा कधीही राग धरू नका उलट त्यांचा आदर करा त्यांच्या विषयी प्रेम वाढवा.