706.
आहे तेचि आम्ही मागो तुजपाशी । नव्हो तुज ऐसी क्रियानष्ट ॥१॥
न बोलावी तेची वर्मे बरे दिसे । प्रकट ते कैसे गुण करू ॥धृपद॥
एका ऐसे एका द्यावयाचा मोळा । का तुम्हा गोपाळा नाही ऐसा ॥२॥
तुका म्हणे लोका नाही कळो आले । करावे आपुले जतन तो ॥३॥

अर्थ :
हे देवा तुझ्या जवळ जे आहे तेच तर आम्ही मागत आहोत, तरी तू देत नाहीस असा तू क्रियानष्ट होऊ नकोस. तुझ्यावर आम्ही प्रेम करून देखील तू आम्हाला भेटत नाहीस हे वर्म आम्हाला सांगणे बरे दिसत नाही. तुझे हे गुण आम्ही कसे प्रकट करू ? आज पर्यंत तुम्ही एका भक्ताचा उद्धार केला मग आता हे गोपाळा तुम्ही दुसऱ्या एका भक्ताचाअव्हेर का ? तुकाराम महाराज म्हणतात आजून पर्यंत लोकांना तुझे हे र्दुगुण कळून आले नाहीत त्यामुळे आपल्या ब्रीदाचे रक्षण तू करून घे.