612.
सदा सोमवारीं| विभूति लावूनि शिरी| तुमच्या मंदिरी| आलाप करी ॥१॥
शंकर त्रिपुरारी| हरि नाम उच्चारी| म्हणती षडाक्षरी| पावे मज ॥२॥
ॐ नमः शिवाय| हरहर जयजय| नाही भवभय| तुझेनि नामे |॥३॥
करिती शिवरात्री| वाहाती बेलपत्री| प्रगट होऊनि गाती| भक्तिभावे |॥४॥
बोलती सत्कीर्ति| जिंतिले पवित्री| हरहर नाम मंत्रीं| तुज पूजिती ॥५॥
रुद्राक्षाच्या माळा| घालूनिया गळा| तो तुम्हा जवळा| सर्व मान्य ॥६॥
शिवशंभु भोळा| बहुता पुण्य जोडला| पावे जाश्वनीळा| म्हणे नामा ॥७॥