2072.
पाहोनिया अधिकार । तैसे बोलावे उत्तर ॥१॥
काय वाउगी घसघस । आम्ही विठोबाचे दास ॥धृपद॥
आम्ही जाणो एका देवा । जैसी तैसी करू सेवा ॥२॥
तुका म्हणे भावे । माझे पुढे पडेल ठावे ॥३॥

अर्थ :
हे उपदेश करणाऱ्या लोकांनो तुम्ही प्रत्येकाचा अधिकार पहा आणि त्याप्रमाणे तुम्ही उपदेश करा. अहो आम्ही विठोबाचे दास आहेत व्यर्थ तुमची बडबड आमच्यापूढे करू नका. आम्ही केवळ एका देवाला जाणंतो आहोत आणि जशी आम्हाला जमेल त्या प्रकारे आम्ही त्याची सेवा करू. तुकाराम महाराज म्हणतात ज्याला माझा भावाअर्थ समजेल त्यांनाच माझी पुढील गती समजते.