1618.
काय ऐसी वेळ । वोढवली अमंगळ ॥१॥
आजि दुखवले मन । कथाकाळी जाला सीण ॥धृपद॥
पापाचिया गुणे । त्यांचिया वेळे दर्षणे ॥२॥
तुका म्हणे कानी । घालू आले दुष्टवाणी ॥३॥

अर्थ :
देवा आज अशी वाईट वेळ माझ्यावर का बरे ओढवली असेल ? आज माझे मन दुखावले गेले आहे आणि कथे काळी मला कष्ट झाले आहे. माझे पूर्व जन्माचे काहीतरी पापच आहे त्यामुळे मला कथेच्या वेळी या वाईट दुष्ट लोकांचे दर्शन झाले. तुकाराम महाराज म्हणतात हे दुष्ट लोक कथेला आलेले नसून त्यांचे काहितरी म्हणणे मला सांगण्या करिता ते इथे आलेले आहेत.