1322.
वराईची गोणी कळली राजाईसी नामा ब्राह्मणांसी बोलाविती ॥१॥
इतक्यामध्ये होन मडकेंभर काढिले | गोणी ते शिविली होती तैसी ॥२॥
द्विज मेळवुनि आला नामदेव वांटियेले सर्व द्रव्य त्याने ॥३॥
नामा म्हणे द्रव्य ज्याचे त्या दिधले | ऋण ते ठेविले नाही कांही ॥४॥
राजाई से होन राखावया गेली हाता राख आली कोळशांची ॥५॥
कोळसे देखोनि खोंचियली मनी | धन्य तुझी करणी पांडुरंगा ॥६॥
नामदेवापुढे सांगे वर्तमान | चोरून भ्या होन ठेविले होते ॥७॥
पाहाता होनांचे जाले हो कोळसे | नामा पाहता ते जाले सोने ॥८॥
वांटिले ब्राह्मणा ते होन तयाने | फेडियेले ऋण गोविंदाचे ॥९॥