785.
जीवित्व ते किती । हेचि धरिता बरे चित्ती ॥१॥
संत सुमने उत्तरे । मृदु रसाळ मधुरे ॥धृपद॥
विसांवता कानी । परिपाक घडे मनी ॥२॥
तुका म्हणे जोडी । होय जतन रोकडी ॥३॥

अर्थ :
आपले आयुष्य ते किती आहे, हे आपल्या चित्तात धरले तर बरे. संतांची शब्दरूपी सुमने म्हणजे फुले हि मृदु रसाळ आणि मधुर आहेत. ती वचने ऐकली तर मनतृप्त होऊन परिपक्व होते. तुकाराम महाराज म्हणतात ज्याने रोकड हातात येते ते साधन संग्रहात ठेवावे हे बरे.