786.
अभिमानाची स्वामिनी शांति । महत्त्व येती सकळ ॥१॥
कळोनि ही न कळे वर्म । तरि श्रम पावती ॥धृपद॥
सर्व सत्ता धरिता धीर । वीर्‍या वीर आगळा ॥२॥
तुका म्हणे तिखट तिखे । मृद सखे आवडी ॥३॥

अर्थ :
अभिमानाची निवृत्ती हि शांतीनेच होत असते, त्यामुळे एका शांतीने सर्वाना महत्व मिळते. सर्वाना हे माहित असून त्याचे अनुकरण कोणीही करत नाही, त्यामुळे सर्वाना कष्ट होतात. परमार्थात धीर जो कोणी धरतो तोच सर्वा मध्ये महावीर आहे असे समजलेच पाहिजे. तुकाराम महाराज म्हणतात संत हे जे कोणी त्यांच्याशी तिखट प्रमाणे वागतात त्यांच्याशी ते कठोर वागतात आणि जे त्यांच्याशी कोमल प्रमाणे वागतात ते त्यांच्याशी अति कोमलतेने वागतात असतात आणि तितकेच मृदू आणि मधुर असतात, म्हणूनच तर ते माझी सखी आहेत, मला फार आवडतात.