496.
सर्व सुखे आजी येथेचि वोळली । संतांची देखिली चरणांबुजे ॥१॥
सर्वकाळ होतो आठवीत मनी । फिटली ते धणी येणे काळे ॥२॥
तुका म्हणे वाचा राहिली कुंटित । पुढे झाले चित्त समाधान ॥३॥

अर्थ :
आज मी संतांची चरणकमले पाहिली त्यामुळे सर्व सुख येथे आली आहेत. सर्वकाळ सारखे संतांचे चरणाची मी आठवत होतो आता त्यांचे दर्शन झाले त्यामुळे यावेळी माझ्या सर्व इच्छा पूर्ण झाल्या. तुकाराम महाराज म्हणतात आता या संबंधी काहीच बोलता येत नाही. माझे चित्त समाधान पावले आहे.