78.
निशी प्राप्त होता भ्रताराचे शेजे । गोपिका ती निजे आनंदाने ॥१॥
संधी पाहोनिया प्रवेशला देव । करीत लाघव काय तेव्हा ॥२॥
भ्रताराचे दाढी कांतेची ते वेणी । एकत्र करोनी ग्रंथी देत ॥३॥
करूनि कौतुक निघोनिया गेला । अरुणोदय झाला तये-वेळी ॥४॥
गोदोहनालागी गोपी ते उठत । वेणी आंसडीत दाढी-संगे ॥५॥
भ्रतारासी तेव्हा बोले ते कामिनी । न धाय अजूनि मन कैसे ॥६॥
भ्रताराची दाढी ओढितांचि जाण । सक्रोध होऊन बोल-तसे ॥७॥
मस्त होवोनिया माजली धांगडी । करिती ओढाओढी मजलागी ॥८॥
नामा ह्मणे तेव्हा उठोनी बैसती । आश्चर्य करिसी मनामाजी ॥९॥