747.
पाहातोसी काय । आता पुढे करी पाय ॥१॥
वरी ठेवू दे मस्तक । ठेलो जोडूनि हस्तक ॥धृपद॥
बरवे करी सम । नको भंगो देऊ प्रेम ॥२॥
तुका म्हणे चला । पुढती सामोरे विठ्ठला ॥३॥

अर्थ :
हे देवा तू काय पाहतोस तुझे चरणकमल पुढे कर. मी हात जोडून उभा आहे, तुझ्या चरणावर मला माझे मस्तक ठेऊ दे. तुझे दोन्ही पाय जोडून उभा राहा माझे प्रेम भंगू देऊ नकोस. तुकाराम महाराज म्हणतात आता चला देवा विठ्ठला मी तुमच्या अगदी समोर उभा आहे मला पाया पडू द्या.