2153.
चाकरीवाचून । खाणे अनुचित वेतन ॥१॥
धणी काढोनिया निजा । करील ये कामाची पूजा ॥धृपद॥
उचितावेगळे । अभिलाषे तोंड काळे ॥२॥
सांगे तरी तुका । पाहा लाज नाही लोका ॥३॥

अर्थ :
आपल्या धन्याची चाकरी केल्यावाचून त्याचा पगार खाणे म्हणजे अनुचितच आहे. त्याच आदराने धन्याची सेवा केली तर तो धनी त्याच्यावर प्रसन्न होऊन त्याला योग्य प्रकारचा मोल देऊन त्याचा गौरव करीन. उचित काम न करता केवळ पगार घेतला आणि धनाच्या अभिलाशा ने काम केले तर त्याचे तोंड काळे होते. तुकाराम महाराज म्हणतात मी एवढे सांगतो तरी या लोकांना लाज नाही म्हणजे देवाने तयार केलेले, आपल्यासाठी तयार केलेले सुख देवाच्या सेवेवाचुन घेऊ नये आणि घेतले तर तो एक प्रकारचा अनुचित प्रकार घडतो.