कृपेच्या सागरे भक्त
970.
कृपेच्या सागरे भक्तकरुणाघने | देऊन आलिगने निवविले तयाते ॥१॥
सर्वज्ञाचा रावो आत्मा ज्ञानदेवो | सांगेल अनुभवो तुम्हांप्रती ॥२॥
ते खुण अंतरी धरा सर्वभावे | दृढ धरोनि जीवे जतन करा ॥३॥
न लगे तीर्थाटन काया क्लेश जाण | न लगे अनुष्ठान करणे बहु ॥४॥
न लगती सायास करणे उपवास | धरावा विश्वास संतसंगे ॥५॥
न लगे वज्रासनी बैसावे नेहटी | न लगे गिरिकपाटी करणे वास ॥६॥
न लगे उग्रतप नानामंत्र जप | भेणे जाय पाप संतसंगे ॥७॥
लगे भस्म उधळणे वाहणे जटाभार | न घालावा पसार लोकाचारी ॥८॥
सर्वभूती करुणा जिव्हे नामस्मृती | मन येईल निवृत्ति आपेआप ॥९॥
क्रियाकर्मधर्म प्रेमेविण खटपटा | करिता आला वीट दीर्घ दोषाचा ॥१०॥
साधनावांचुनी मार्ग सोपा जाण | करावे कीर्तन रामकृष्ण ॥११॥
सर्वकाळ कथा संतांची संगती | वाचे नाम कीर्ति सर्वकाळ ॥१२॥
तो हा राजमार्ग सर्वांहोनी चांग | सदा संतसंग वाचे नाम ॥१३॥
संकल्प विकल्प न धरावे मानसी | मनोभावे संतांसी शरण जावे ॥१४॥
ज्ञानदेव म्हणे पुढती ऐका एक | सांगेन प्रत्यक्ष अनुभव सिद्ध ॥१५॥