1454.
चंदन तो चंदनपणे । सहज गुणेसंपन्न ॥१॥
वेधलिया धन्य जाती । भाग्ये होती सन्मुख ॥धृपद॥
परिसा अंगी परिसपण । बाणोनि ते राहिले ॥२॥
तुका म्हणे कैची खंती । सुजाती ते टाकणी ॥३॥

अर्थ :
चंदन त्याच्या सुगंध गुणामुळे सहजच संपन्न असतो. चंदनाच्या वृक्षाजवळ जे वृक्ष असतात ते भाग्यवान असतात कारण चंदनाच्या जवळ राहून इतर वृक्षांमध्ये चंदनाचा गुण आपोआप प्राप्त होतो. परिसराच्या अंगी लोखंडाला सोने करण्याची ताकद आहे व तीच ताकद त्याच्या अंगी बाणलेली आहे. तुकाराम महाराज म्हणतात जे सर्वगुणसंपन्न असतात त्यांना कसली काळजी आली ते तर स्वतः शुद्ध असतात व इतरांनाही ते शुद्ध करतात.