1453.
राहाणे ते पायापाशी । आणिका रसी विटोनि ॥१॥
ऐसा धीर देई मना । नारायणा विनवितो ॥धृपद॥
अंतरी तो तुझा वास । आणिका नाष कारणा ॥२॥
तुका म्हणे शेवटींचे । वाटे साचे राखावे ॥३॥

अर्थ :
मला सर्व रसांचा वीट आला असून देवा मला तुझ्या पायाजवळ रहावेसे वाटते. हे नारायणा असे धैर्य माझ्या मनाला दे अशी विनंती मी तुला करत आहे. देवा तुझा माझ्या अंतःकरणात वास व्हावा, त्यामुळे इतर सर्व गोष्टींचा नाश होईल. तुकाराम महाराज म्हणतात देवा माझ्या अंत काळी तू माझे रक्षण करावे असे मला वाटते.