1058.
आपुलिया लाजा । धावे भक्तंचिया काजा ॥१॥
नाम धरिले दिनानाथ । सत्य करावया व्रत ॥धृपद॥
आघात निवारी । छाया पीतांबरे करी ॥२॥
उभा कर कटी । तुका म्हणे याजसाठी ॥३॥

अर्थ :
हा देव आपली लज्जारक्षण करण्याकरिता लगेच धावत येतो कारण या देवाने दीनानाथ हे नांव धारण केलेले आहे आणि त्याने भक्तांचे रक्षण करण्याचे व्रत घेतले आहे व ते व्रत खरे करून दाखविण्याकरिता त्याला त्याच्या नावाप्रमाणे वागावे लागते. हा देव भक्तांवर येणाऱ्या आघात त्याचे निवारण करतो आणि त्याच्या पीतांबरा ची शीतल छाया भक्तांवर सदासर्वकाळ राखतो. तुकाराम महाराज म्हणतात हा देव त्याचे दीनानाथ हे नांव खरे करण्यासाठी कमरेवर हात ठेवून सदासर्वकाळ उभा आहे.