1059.
साधावया भक्तीकाज । नाही लाज हा धरीत ॥१॥
ऐसियासी शरण जावे । शक्ती जीवे न वंची ॥धृपद॥
भीष्मपण केला खरा । धनुर्धरा रक्षीले ॥२॥
तुका म्हणे साक्ष हाती । तो म्या चित्ती धरियेला ॥३॥

अर्थ :
आपल्या भक्तांची काम करण्यासाठी हा देव कोणत्याही प्रकारचे लाज धरत नाही. तो आपल्या भक्तांचे कार्य करण्याकरिता आपल्या शक्तीची कोणत्याही प्रकारे वंचना करत नाही. अशा विठ्ठलाला शरण जावे. या हरीने युद्धामध्ये भीष्माची प्रतिज्ञाही खरी केली आणि अर्जुनाचे रक्षणही केले. तुकाराम महाराज म्हणतात याचा साक्षी मी आहे त्यामुळे मी हरीला माझ्या चित्तात धारण करीत आहे.