376.
बुडता आवरी । मज भवाचे सागरी ॥१॥
नको मानू भार । पाहो दोषाचे डोंगर ॥धृपद॥
आहे ते सांभाळी । तुझी कैसी ब्रीदावळी ॥२॥
तुका म्हणे दोषी । मी तो पातकाची राशी ॥३॥

अर्थ :
देवा री मी या भव सागरामध्ये बुडत आहे तरी तू माझे रक्षण कर. माझे पर्वतप्राय दोष तू पाहू नकोस. आणि माझा उद्धार करण्यासंबंधी भार पडतो असे माणू नकोस. पतितांना पावन करणे हे तुझे ब्रीदच आहे. ते तू पालन कर. तुकाराम महाराज म्हणतात मी मोठा दोषी आहे. पातकांची रसच आहे. तू उद्धार केल्या शिवाय माझा उद्धार होणार नाही.