2521.
निघाले दिवाळे । जाले देवाचे वाटोळे ॥१॥
आता वेचू नये वाणी । विचारावे मनिच्या मनी ॥धृपद॥
गुंडाळिली पोती । भीतरी लावियेली वाती ॥२॥
तुका म्हणे करा । ऐसा राहे माजी घरा ॥३॥

अर्थ :
भक्तांचे कल्याणच होत नाही त्यामुळे आता देवाचे दिवाळे निघाले असून त्याचे वाटोळे झाले आहे. त्यामुळे आता आपण आपल्या वाणीने काहीही बोलू नये त्याविषयी आपल्या मनातल्या मानतच विचार करावा. देवाने आपल्या दुकानातील मालाचे पोते गुंडाळून ठेवले आहेत मापही पालथे घालून ठेवले आहे आणि त्यावर दिवा लावला आहे. तुकाराम महाराज म्हणतात हे जन हो आता देवाकडे जाण्यात काहीच अर्थ नाही असे काहीतरी करावे जेणेकरून तोच आपल्या हृदयात राहील.