414.
सगुण देह बापा निर्गुण माझे शीर ।
हा तो भेदाकार कैशापरी ॥१॥
दैवी असुरी पूर्व पश्चिम मार्ग की रे ।
शून्यांतील सारे चराचर हे ॥२॥
ज्ञानदेव म्हणे भेद ऐक गुरुपुत्रा ।
नयनी अर्धमात्रा सर्व जन ॥३॥

अर्थ :
जसे एका देहाच्या ठिकाणी धड व शीर असे दोन भाग असतात. त्याप्रमाणे आत्म्याचे सगुणरुप हा देह व निर्गुणरुप शीर आहे. तसे पाहिले तर दोन्ही एकच आहेत. दैवी संपत्ती किंवा आसुरी संपत्तीचे पुरुष हे दोन्ही माया कार्यच आहेत. हे गुरुपुत्रा सर्व लोकांच्या डोळ्यामध्ये अर्धमात्रारुप एक ब्रह्मच आहे. असे माऊली ज्ञानदेव सांगतात.