978.
सांगो नवरसलक्षण ।
तरी शृंगार हास्य करुण ।
धीर वीर भयानक जाण ।
बीभत्स अदभुत शांतरस ॥१॥
शृंगारिक ते माधुर्य गाणे ।
हास्य ते विनोदकरणे ।
कारुण्‍य ते कीव भाकणे ।
धैर्य उपजवणे ते धीर ॥२॥
वीर ते युध्दाच्या गाठी ।
शब्दामागे शब्द उठी ।
भयानक रसा भय घाली पोटी ।
बीभत्स त्याहुनी कुष्टी उच्छुंखल ॥३॥
अदभुत रस ते नवलवाणे ।
जे का अचाटचि बोलणे ।
श्रोतयाते विस्मय देणे ।
ऐकता शहाणे निर्बुजती ॥४॥
शांतरस तो शुध्द सात्विक ।
विकारविवर्जित माजी विवके ।
निळा म्हणे हे नवरस देख ।
जाणति गायक चतुर ते ॥५॥