857.
बहुता जन्मां अंती । जोडी लागली हे हाती ॥१॥
मनुष्यदेहा ऐसा ठाव । धरी पांडुरंगी भाव ॥धृपद॥
बहु केला फेरा । येथे सापडला थारा ॥२॥
तुका म्हणे जाणे । ऐसे दुर्लभ ते शाहाणे ॥३॥

अर्थ :
भरपूर जन्म नंतर तुला मनुष्य देह हाती लागला आहे. म्हणून तू पांडुरंगाच्या ठिकाणी दृढ भाव ठेव. अरे अनेक फेरे मारल्यानंतर आता आपल्याला खरे विश्रांतीचे स्थान लाभले आहे. तुकाराम महाराज म्हणतात मनुष्य देह हा दुर्लभ आहे असे जाणणारा हा सुद्न्य होय.