2530.
स्वामीसेवका अबोला । ऐसा जन्मचि अवघा गेला ॥१॥
जन्मवरी जुने भाते । साधन शिऊं नेदी हातें ॥२॥
काम करु नेदी हाती । उसंत नाहे अहोरातीं ॥३॥
श्रद्धें विण अचाट सांगे । ढळॊं नेदी पुढे मांगें ॥४॥
न गणीं दिवस मास वरुषी । भागों जाता वहीच पुसी ॥५॥
चाव चावी करु नेदी । सगळें गिळवी त्रिशुद्धी ॥६॥
जो का ग्लानी साधन मागे । तेंचि बंधन त्यासी लागे ॥७॥
जो सेवा करी नेटका । त्यासी करुनी सांडी सुडका ॥८॥
झोंप लागों नेदी कांही । निजे निज निजवी पाही ॥९॥
एका जनार्दनी निज सेवा । जीवे ऊरूं नेदी जीवा ॥१०॥