2781.
बहु कृपावंते माझी मायबापे । मी माझ्या संकल्पे अंतरलो ॥१॥
संचिताने नाही चुको दिली वाट । लाविले अदट मजसवे ॥धृपद॥
आता मी रुसतो न कळता वर्म । परी ठावे धर्म सर्व देवा ॥२॥
तुका म्हणे उभा राहिला न बैसे । आमुचीया आसे उद्वेग त्या ॥३॥

अर्थ :
माझा माय बाप पांडुरंग हा खूप कृपावंत आहे परंतु माझ्या मनातील विविध संकल्पाने मी त्याच्या पासून अंतरलो आहे. परंतु माझे पूर्व संचित चांगले म्हणून मी भक्तीचा मार्ग सोडला नाही आपोआप त्या भक्तीच्या मार्गाला मी लागलो आणि देवाने जणू भक्तीच्या मार्गा जवळच मला ठेवले आहे असे मला वाटते. मी आता देवा वर त्याचे वर्म मला कळत नाही तरी देखील रुसून बसत आहे परंतु देवाला त्याचे सर्वधर्म माहित आहे. तुकाराम महाराज म्हणतात म्हणूनच तर आमच्यासारख्या भक्तांचा उद्धार करण्याकरता यासाठी देव विटेवर सारखा उभा आहे कधीही बसत नाही इतकी आमची काळजी त्या देवाला आहे.