863.
लटिके ते रुचे । साच कोणाही न पचे ॥१॥
ऐसा माजल्याचा गुण । भोगे कळो येईल सीण ॥धृपद॥
वाढवी ममता । नाही वरपडला तो दूता ॥२॥
न मनी माकड । काही तुका उपदेश हेकड ॥३॥

अर्थ :
खोटे सर्वाना आवडते कारण याला फक्त मस्ती कारण आहे. अश्या या व्यक्तींना भोग भोगण्याची वेळ आली कि मग शीण येतो. अश्या माजलेल्या लोकांचे आहे तो पर्यंत देहावर ममता असते मग यम दूतांच्या तडाख्यात सापडला कि त्याला समजते. तुकाराम महाराज म्हणतात अश्या या हेकड (हट्टी) माकडाला किती हि उपदेश केला तरी ते ऐकत नाही.