526.
निवडुनि दिले नवनीत । संचित ते भोगीते ॥१॥
आता पुढे भाव सार । जीवना थोर पाहावया ॥धृपद॥
पारखियाचे पडिले हाती । चाचपती आंधळी ॥२॥
तुका म्हणे सेवन घडे । त्यासी जोडे लाभ हा ॥३॥

अर्थ :
आता आम्ही हरीच्या नामाचे नवनीत सर्वाना निवडून दिले आहे. ज्याचा त्यांनी आपल्या संचीताप्रमाने समाधानाने लाभ घ्यावा. आता या पुढे जीवनाला काही भक्कम आधर शोधायचा असेल, तर हरीनामावर विश्वास ठेवणे, हाच ऐक मार्ग आहे. जे कोणी पारीख करणारे डोळस लोक असतील, त्यांच्या हाती हरिनामाचे नवनीत पडेल आणि जे देहाला सर्वस्व मानणारे आंधळे लोक असतील, ते उगाच चाचपडत राहतील. तुकाराम महाराज म्हणतात जे कोणी त्याचे अंतःकरण पूर्वक सेवन करील, त्यांना हा लाभ निश्चिंत होईल.