99.
हरीहरा भेद । नाही करू नये वाद ॥१॥
एक एकाचे हृदयी । गोडी साखरेच्या ठायी ॥धृपद॥
भेदकासी नाड । एक वेलांटीच आड ॥२॥
उजवे वाम भाग । तुका म्हणे एकचि अंग ॥३॥

अर्थ :
हरी (विष्णु) आणि हर (शिव) यांच्यामधे भेद करून अकारण वाद निर्माण करू नये. कारण ते दोन्ही एकच आहे, जसे साखर आणि तिची गोडी. फरक करणार्‍यांच्या डोळ्याला केवळ एका वेलांटिचा फरक दिसतो. तुकाराम महाराज म्हणतात, उजवे व डावे दोन भाग एकत्र येऊन त्याचा देह बनतो त्याप्रमाणे हरी आणि हर हे सारखेच आहे.