673.
जन देव तरी पायाचि पडावे । त्याचिया स्वभावे चाड नाही ॥१॥
अग्नीचे सौजन्य शीतनिवारण । पालवी बांधोन नेता नये ॥२॥
तुका म्हणे विंचु सर्प नारायण । वंदावे दुरोन शिवो नये ॥३॥

अर्थ :
सर्व लोक देवाचे स्वरूप आहे, त्यांच्या पाया पडावे. त्यांचे दोष लक्षात ठेऊ नये. अग्नीचे कार्य हे थंडी कमी करणे आहे, पण मग अग्नीला पदरात बांधून नेता येत नाही. तुकाराम महाराज म्हणतात विंचू व सर्प हि नारायणाचीच रूपे आहेत पण त्यांच्या स्पर्श न करता त्यांना दुरून नमस्कार करावा.