2133.
पुरुषाहाती कंकणचुडा । नवल दोडा वृत्ति या ॥१॥
पाहा कैसी विटंबणा । नारायणा देखिली ॥धृपद॥
जळो ऐसी ब्रिदावळी । भाटबोळीपणाची ॥२॥
तुका म्हणे पाहो डोळा । अवकळा नये हे ॥३॥

अर्थ :
पुरुषाच्या हाती कंकण चुडा असणे हे एक प्रकारचे नवलच आहे आणि असे वर्तन म्हणजे विपरित पनाचेच आहे. साधू बनायची कशी विटंबना आहे हे नारायण ते तु पहा मी तर बघितली. अशा ढोंगी साधू च्या भाटाणे सांगितलेल्या लांबलचक ब्रिदावळीला आग लागो. तुकाराम महाराज म्हणतात देवा अशी परमार्थाची अवकळा मी आपल्या डोळ्यांनी कधीच पाहणार नाही.