3648.
(सीताशोक)
केला रावणाचा वध । अवघा तोडिला संबंध ॥१॥
लंकाराज्ये बिभीषणा । केली चिरकाळ स्थापना ॥धृपद॥
औदार्‍याची सीमा । काय वर्णु रघुरामा ॥२॥
तुका म्हणे माझा दाता । रामे सोडविली सीता ॥३॥

अर्थ :
प्रभू रामचंद्रांनी रावणाचा वध करुन त्याचा भवसागरातील सर्व उपाधींचा संबंधच तोडून टाकला. लंकेच्या राज्यावर बिभिषणाला बसविले व त्याची तेथे चिरकाल स्थापना केली. हे रघुरामा तुझ्या औदार्‍याची सीमा काय वर्णन करावी. तुकाराम महाराज म्हणतात, माझा दाता प्रभू श्रीरामचंद्र याने सीतामातेला लंकेतून सोडविले.