287.
थोडे परी निरे । अविट ते घ्यावे खरे ॥१॥
घ्यावे जेणे नये तुटी । बीज वाढे बीजा पोटी ॥धृपद॥
चित्त ठेवी ग्वाही । उपचारे चाड नाही ॥२॥
आपले ते हित फार । तुका म्हणे खरे सार ॥३॥

अर्थ :
आपणास व्यवहारात जे काही हवे असेल तेवढेच घ्यावे जे अवीट आहे जे घ्यावे खरे आहे ते घ्यावे. असे काही घ्यावे त्यापासून नुकसान होणार नाही आणि एका बीजापासून अनेकांची उत्पत्ती होईल असे घ्यावे. काहीही घेताना निरीक्षण करून आपल्या चित्ताला साक्षी ठेवून घ्यावे तेवढेच खूप आहे. तुकाराम महाराज म्हणतात ज्याच्या मध्ये आपले हित आहे तेच घ्यावे तेच खरे आणि ते चांगले.