540.
उचित जाणावे मुख्य धर्म आधी । चित्तशुद्ध बुद्धी ठायी स्थिर ॥१॥
न घालावी धाव मनाचिये ओढी । वचनी आवडी संताचिये ॥२॥
अंतरी या राहे वचनाचा विश्वास । न लगे उपदेश तुका म्हणे ॥

अर्थ :
आपण आपले चित्त शुध्द करावे. बुद्धी परमेश्वराच्या चरणकामालांशी स्थिर करावी. हे धर्माचे वर्म योग्य प्रकारे जाणून घ्यावे. केवळ मनाच्या ओढीने धावत सुटू नये. संतांच्या वाचनाचा आवडीने अभ्यास करावा. तुकाराम महाराज म्हणतात संताचा विश्वास हृदयात स्थिर झाला, की मग त्याला वेगळा उपदेश करावा लागणार नाही.