1170.
टिळा टोपी उंच दावी । जगी मी एक गोसावी ॥१॥
अवघा वरपंग सारा । पोटी विषयांचा थारा ॥धृपद॥
मुद्रा लाविता कोरोनि । मान व्हावयासी जनी ॥२॥
तुका म्हणे ऐसे किती । नरका गेले पुढे जाती ॥३॥

अर्थ :
काही मनुष्य शरीराला बारा टिळा लावतात उंच टोपी घालतात आणि या जगात मीच एक उच्च गोसावी आहे असे दाखवीत. त्यांच्या पोटी विषयांना थारा असतो असे मनुष्य वर-वर साधू पणाचे सोंग मिरवितात. आपल्याला जनमाणसात मान मिळावा यासाठी ते कोरून मुद्रा लावतात. तुकाराम महाराज म्हणतात अशी कितीतरी माणसे नरका ला गेले आहेत आणि पुढेही जातील.