743.
वदे साक्षत्वेसी वाणी । नारायणी मिश्रित ॥१॥
न लगे काही चाचपावे । जाता भावे पेरीत ॥धृपद॥
भांडार त्या दातियाचे । मी कैचे ये ठायी ॥२॥
सादावीत जातो तुका । येथे एकाएकी तो ॥३॥

अर्थ :
माझी वाणी हि नारायण मिश्रित झाली आहे हे मी साक्षित्वाने बोलतो. आता मला इतर कुठेही काही चाचपडत बसण्याची गरज नाही, कारण मी भक्ती भावाने उपदेशाची पेरणी करत आहे. माझे जे काही उपदेश आहेत ते सर्व भांडार हे त्या दात्याचे आहे, मी कोण तो बोलणारा ? तुकाराम महाराज म्हणतात मी एकटा जरी असलो तरी सगळ्यांना परमार्थ रुपी उपदेश करत सावध करत आहे.