726.
आळी सलगी पायांपाशी । होईल तैसी करीन ॥१॥
आणीक आह्मी कोठे जावे । येथे जीवे वेचलो ॥धृपद॥
अवघ्या निरोपणा भाव । हाचि ठाव उरलासे ॥२॥
तुका म्हणे पाळी लळे । कृपाळुवे विठ्ठले ॥३॥

अर्थ :
हरी तुझ्या चरणांपाशी आम्ही आवडेल तसे हट्ट आम्ही पूर्ण करून घेऊ. तुला सोडून आम्ही दुसरे कोठे बरे जावे ? तुझ्या चरणांमध्ये आमचा जीव गुंतला आहे. आमचा भाव निरुपण करण्यास तुझेच एक स्थान उरले आहे. तुकाराम महाराज म्हणतात हे विठ्ठला तू कृपाळू आहेस तूच आमचे लाड पूर्ण करावेत.