537.
तेज्या इशारती । तट्टा फोकावरी घेती ॥१॥
काय सांगावे त्याहूनी । ऐका रे धरा मनी ॥धृपद॥
नव्हे भांडखोर । धरू ओढूनि पदर ॥२॥
तुका म्हणे तोंड । काळे करा खाली मुंड ॥३॥

अर्थ :
जे जातीवंत घोडे असतात त्यांना मालकाने नुसता इशारा जरी केला तरी ते धावत सुटतात. पण जे तट्टू असतात त्यांना कितीही मारले तरी ते जागचा हलतही नाहीत. पण तुम्हाला काय सांगू तुम्ही तर त्या तट्टू तो पेक्षा हि अगदी खालच्या पातळीचे आहात अहो मी तुम्हाला जे काही सांगत आहे तुमच्या हिताकरिता च सांगत आहे मी जे काही सांगेन ते तुम्ही तुमच्या मनी धरा. अरे मी काही बंडखोर नाही की तुमचा पदर धरवा आणि तुमच्याशी भांडत राहावे. तुकाराम महाराज म्हणतात आणि तुम्हाला जर माझे ऐकायचे नसेलच तर मग तोंड खाली करुन इथून चालते व्हा तुमचे तोंड काळे करा.