441.
अल्प माझी मती । म्हणोन येतो काकुलती ॥१॥
आता दाखवा दाखवा । तुमची पाउले केशवा ॥धृपद॥
धीर माझ्या मना । नाही नाही नारायणा ॥२॥
तुका म्हणे दया । मज करा अभागिया ॥३॥

अर्थ :
देवा माझी बुद्धी अल्प आहे म्हणून तर मी तुम्हाला काकुळतीला येत आहे. अहो पांडुरंगा दाखवा हो दाखवा मला तुमचे चरण दाखवा. नारायण माझ्या मनाला मुळीच धीर नाही हो नाही. तुकाराम महाराज म्हणतात तुम्ही माझ्या सारख्या का भाग्यावर दया कराल, तरच माझा उद्धार होईल.