1651.
उठाउठी अभिमान । जाय ऐसे स्थळ कोण ॥१॥
ते या पंढरीस घडे । खळा पाझर रोकडे ॥धृपद॥
नेत्री अश्रूचिया धारा । कोठे रोमांच शरीरा ॥२॥
तुका म्हणे काला । कोठे अभेद देखिला ॥३॥

अर्थ :
तात्काळ अभिमान जाईल असे स्थळ कोठे आहे काय, होय आहे ते स्थळ म्हणजे पंढरपूर आहे आणि अभिमान तेथे तात्काळ जातो आणि दुर्जनांचा हृदयालादेखील दयेचा पाझर फुटतो. येथे नेत्राला आनंदाश्रूच्या धारा लागतात आणि संपूर्ण शरीरावर रोमांच उभे राहतात. तुकाराम महाराज म्हणतात हे जन हो तुम्ही जीव ब्रम्‍ह ऐक्याचा अभेद्य रूपकला पंढरी वाचून कोठे पाहिला आहे काय ?