2546.
हरीच्या दासा सोपे वर्म । सर्व धर्म पाउले ॥१॥
कडिये देव बाहेर खांदी । वैष्णव मांदी क्रीडेसी ॥धृपद॥
सरती येणे आटाआटी । नाही तुटी लाभाची ॥२॥
तुका म्हणे समाधान । सदा मन आमुचे ॥३॥

अर्थ :
हरीच्या दासांसाठी सर्वात सोपे वर्म आणि सर्वधर्म हरीचे पावलेच आहेत. देव आम्हाला कडेवर व खांदयावर वाहात असतो आणि आम्हाला परमार्थिक क्रीडा करण्यासाठी खेळ खेळण्यासाठी वैष्णवाचा समुदाय त्यांनीनिर्माण केलेला आहे. त्यामुळे आम्हाला जी आटाआटी होते जो त्रास होतो तो नाहीसा होऊन आम्हाला ज्या सुखाची ज्या लाभाची अपेक्षा आहे त्या लाभाची तुट कधीही होत नाही. तुकाराम महाराज म्हणतात हरीचे पाऊले आणि वैष्णवांच्या मेळ्याची संगती आम्हाला असते त्यामुळे आमचे मन सदा समाधी अवस्थेत असते.